鱼生嘅好意头
编辑：admin 日期：2018-12-05 09:25:48 / 人气：
广东地区有句话叫“鱼生狗肉，不请自来”，大意系话鱼生同狗肉都系美食，唔需要主人家开口邀请，食客倚熟卖熟自己就过来凑热闹。当然，食狗肉系唔好嘅，本人爱狗，绝对唔食狗肉。但系，鱼生就真系冇办法抗拒喇。
广州人中意食鱼生要追溯到百几年前，点解中意呢？大概系因为广府菜最大嘅特点就系“鲜”，而且“鲜”之中又要带爽、嫩、滑几种口感。鱼生，刚刚好可以满足为食嘅广州人。食鱼生嘅时候要加配料，少则十几种，多则据称有三四十种。常用嘅有荞头、酸姜、花生、芝麻、芫荽、柠檬叶、熟油、烧酒等等，有人中意边食边饮烧酒，又有人中意食后饮碗滚粥。落醋饮酒，据讲有“消毒”同埋“杀菌”嘅“功效”。
我谂，广州人中意食鱼生，除咗因为“鲜”，仲因为佢意头好。食嘅时候放齐配料，然后将鱼肉细致均匀咁捞埋，呢个动作叫做“捞起”。有得食、识得捞、有得捞，呢个咪就系老细同打工仔嘅心愿？虽然有啲迷信，但系十分之啱听。不过食鱼生，大家都系要揾“老字号”，卫生唔过关，分分钟会屙呕肚痛嘎。
◎李月婷 媒体人
内容搜索 Related Stories
推荐内容 Recommended
- 多国禁止虹鳟鱼 “入籍”三文鱼09-03
- 百姓致富鱼 景宁梧桐乡稻田养鱼成为农民增收新路径08-27
- 《团体标准》将虹鳟鱼08-14
- 酸菜鱼店环境脏乱差 外卖员看不下去举报08-13
- 我省将加快打造“沿黄流域冷水鱼 适度发展产业带”新格局08-12
- 珍贵的亚东扶贫鱼08-02